香港

- 香港人真係好無禮貌。
- 其實我明點解既，問十個香港人，十個都唔鍾意份工。到放工使錢果陣，就當正自己係大爺大小姐，將自己既怨氣發洩下，使到 serve 佢地 d 人盡一盡。
- 咁樣d侍應sell屎度氣就自然唔gur，結果一直咁循環落去。

- 而家周街都有好多好似好高檔既食肆/店鋪。
- 我越來越感受到，香港呢個社會一直向年薪幾百至幾千萬既金融才俊傾斜。其他行業只會不斷萎縮，直至整個社會都只係為少於1%既banker (同埋上面落黎果d 貪官) 服務。
- 其餘果99%既人點算？好簡單，俾本忽然一週x飲食男女佢地睇，滿足下佢地d八卦慾/食慾，再加兩本六本木shopping + 北海道旅遊指南，佢地就心甘命抵咁係香港做奴隸。
- 呀，陶傑話，歐美既奴隸 (slave) 永遠唔會心甘命抵，永遠都會想反抗想爭取自由。香港果99%既人，係陶傑眼中應該係叫奴才(nuchai)。

- 如果用遊客既角度睇香港，種觀感就即刻fit哂。
- 講真係呢兩年先真係覺得銅鑼灣果種逼人，同埋尖沙咀海旁海水既氣味係咁吸引我既。
- 正因為我只係一個遊客，我唔會對呢個社會有任何悲天憫人既心態。
- 或者只係因為過左咁多年，我已經對呢個社會絕大部分既野死左心。尤其是，我根本係香港社會下既loser，我無咁既資格出聲阻人發達。

打住咁多先。祝大家 (其實知道我呢個blog既應該一隻手數得哂) 新年進步!

p.s. 原來我一年前，都有講過香港人好無禮貌。我諗我n年後都會重覆呢個point